د پکتیا ولایت روحاني بابا ولسوالۍ ته د یاد ولایت د ځمکو د غصب د مخنیوي د تخنیکي هیئت سفر
د پکتیا ولایت د ځمکو د غصب د مخنیوي تخنیکي هیئت د ذوالقعدې د میاشتې په ۲۲ نېټه د یکشنبې په ورځ د یاد ولایت روحاني بابا ولسوالۍ ته ولاړ او د ځمکو د غصب د مخنیوی په برخه کې لازم اقدامات ترسره کړل.
دغه هیئت د مموزیو له قوم څخه د یو شخص د سندونو تطبیق په منظور، د مموزیو ساحې ته ولاړ او ساحه یې سکیچ او کروکي کړه او د هغې حدود یې مشخص کړل.
یاد شوي هیئت د یو بل شخص له متصرفه ځمکې څخه چې مالکانه تصرف په کې وړاندې منع شوی وو، هم لیدنه وکړه. ټاکل شوې ده چې په یادو شوو ساحو کې دقیقې املاکي څېړنې ترسره شي او د اړوندو ارګانونو وروستۍ پریکړې پورې، هر ډول مالکانه تصرف په دغو ساحو کې ممنوع دی.
