د سمنګان ولایت د ځمکو د غصب د مخنیوي د تخنیکي هیئت د ناستې جوړیدل
د سمنګان ولایت د ځمکو د غصب د مخنیوي د تخنیکي هیئت ناسته د ذوالقعدې د میاشتې په ۲۱ نېټه د شنبې په ورځ د هیئت د رئیس او غړو په حضور سره جوړه شوه.
په دغې ناسته کې د تخته آقمزار ۱۱۴۴ جریبه امارتي للمي ځمکو د تثبیت او تشخیص په اړه چې د غصب په حال کې وې او د استوګنې د نمرو له پاره خط اچول شوي وې، خبرې وشوې.
په همدې توګه هیئت پر ۲۷۰ جریبه امارتي ځمکې چې د استوګنې غیرپلاني کورونه پرې جوړ شوي وو د هیئت د اجراآتو او بررسۍ او د ایبک ښار د جګه بانده کلي په اړه هم بحث وکړ او دغو برخو کې لازم تصمیمونه ونیول.
