د بادغیس ولایت د ځمکو د غصب د مخنیوي د تخنیکي هیئت د ناستې جوړیدل
د بادغیس ولایت د ځمکو د غصب د مخنیوي د تخنیکي هیئت ناسته د شوال د میاشتې په ۲۷ نېټه د چهارشنبې په ورځ د هیئت د رئیس او غړو په حضور سره جوړه شوه او د ځینو موضوعاتو او د مراجعینو د عریضو په اړه په کې بحث وشو.
په دغې ناسته کې، د تګاب ولسوالۍ په کشکک ساحه کې د عامه مرعی ځمکو د غصب په اړه پر یو شخص د بل شخص عریضه بررسي شوه او له متصرف شخص څخه سندونه وغوښتل شول. یاد متصرف وویل چې دغه ځمکه یې له بل شخص څخه پېرلې دي.
په همدې توګه په یاده ناسته کې، په پسته لیق کې د عامه مرعی ځمکو د غصب په اړه د یو بل شخص عریضه بررسي شوه او له مقابل لوري څخه سندونه وغوښتل شول. د جوند ولسوالۍ په پنج بز ساحه کې د عامه مرعی ځمکو د غصب او پلورلو په اړه هم یو بله عریضه بررسي شوه او معروض علیه شخص جلب کړل شو.
