د جوزجان ولایت د عدليې ریاست د اداري ناستې جوړیدل
د جوزجان ولایت د عدليې ریاست اداري ناسته د شوال میاشت په ۱۳ نېټه د چهارشنبې په ورځ د جوزجان ولایت د عدلیې رئیس مولوي محمد نظر فایق په مشرۍ او د یاد ریاست د آمرینو او کارکوونکو په ګډون جوړه شوه.
دغه ناسته د ستونزو د هوارولو او چارو کې د لازیاتو همغږیو په منظور جوړه شوې وه او د عدليې رئیس په کې د دغه ریاست کارکوونکو ته لارښوونه وکړه چې خپل دندې له اصولو او لایحې سره سم ترسره کړي او په تعیین شویو وختونو خپلو دندو ته حاضر اوسي.
نوموړي زیاته کړه: هغه کسان چې هیئتۍ له پاره توظیف کیږي باید په اړوند کتاب کې ثبت شي اوخپل راپور د یاد ریاست مقام ته وړاندي کړي او هغه کسان چې د رسمي دندو له پاره امارتي ادارو ته ځي هم باید نوم یې په اړوند کتاب کې درج شي.
دغه راز نوموړي د یاد ریاست اجیرانو ته لارښوونه وکړه چې د دغه ریاست د نظافت په برخه کې جدي توجو وکړي او نور کارکوونکي هم باید دغه امر ته توجو ولري.
