د سرپل ولایت د ځمکو د غصب د مخنیوي د تخنیکي هیئت د ناستې جوړیدل
د سرپل ولایت د ځمکو د غصب د مخنیوي د تخنیکي هیئت ناسته د شوال میاشت په ۱۰ نېټه د یکشنبې په ورځ د یاد شوي هیئت د رئیس او غړو په حضور سره جوړه شوه و د تخنیکي هیئت د پلان او یو لړ نورو موضوعاتو په اړه په کې بحث او خبرې وشوې.
په دغې ناسته کې، د تخنیکي هیئت د پلان جوړولو په برخه کې پریکړه وشوه چې یاد پلان له بېلابېلو ارګانونو څخه د غصب شویو ځمکو له غوښتل شوي جدول سره سم، ترتیب شي.
یاد هیئت د ناقلینو د ځکو په تړاو له مرکزي کمېسیون څخه د ترلاسه شوي لیک په اړه هم بحث وکړ او پریکړه وشوه ترڅو د روانې اوونۍ د سه شنبې په ورځ يې په اړه وروستۍ تصمیم ونیول شي.
په دغې ناسته کې، په ګوسفندي ولسوالۍ کې د ځايي خلکو لخوا دڅړځای د بیاځل غصب په اړه هم پریکړه وشوه چې د سه شنبې په ورځ بیاځل موضوع بحث لاندې ونیول شي او د چهارشنبې په ورځ، هیئت ساحې ته ولاړ شي او هغه بررسي کړي.
