د پکتیکا او بادغیس ولایتونو د ځمکو د غصب د مخنیوي د تخنیکي هیئتونو دناستو جوړیدل
د پکتیکا او بادغیس ولایتونو د ځمکو د غصب د مخنیوي د تخنیکي هیئتونو ناستې د روژې میاشت په ۱۹ نېټه د دوشنبې په ورځ د دغو هیئتونو د رئیسانو او غړو په حضور سره جوړې شوې او یادو شویو ولایتونو کې د ځمکو د غصب د مخنیوي په برخه کې لازم تصمیمونه ونیول شول.
د پکتیکا ولایت د تخنیکي هیئت په ناسته کې له اصولو او لایحې پر مطابق په سم او کره ډول د کارونو پر ترسره کولو ټینګار وشو.
دغه راز په یاده ناسته کې په لري پرتو سیمو کې د ځمکو د بررسۍ په اړه بحث او د لیکوونو په بڼه د موضوعاتو پر تبدیلولو ټینګار وشو.
په همدې حال کې، د بادغیس ولایت د ځمکو د غصب د مخنیوي د تخنیکي هیئت په ناسته کې د تېرو موضوعاتو، د ۱۴۰۲ کال له پاره د پلان جوړولو او له خنډ څخه پرته د کارونو پرمخ وړلو په اړه بحث او خبرې وشوې او دغو برخو کې لازم تصمیمونه ونیول شول.
