د کنړ ولایت د موټر له پلورنځیو څخه لیدنه او څارنه وشوه
د کنړ ولایت د عدلیې ریاست موظف هیئت د ۱۴۴۴ هجري قمري کال د روژې میاشت په ۱۹ نېټه د دوشنبې په ورځ د یاد ولایت له یو شمېر موټر پلورنځیو څخه لیدنه او څارنه وکړه.
د دغې لیدنې په لړ کې یاد شوي هیئت، د دغو موټر پلورنځیو د فعالیت جوازلیکوونه بررسي کړل او د یادو موټر پلورنځیو له مالکانو څخه یې وغوښتل چې ترڅو د هغو اشخاص په موندلو کې چې پرته له جواز څخه فعالیت ترسره کوي له دغه هیئت سره همکاري وکړي ترڅو له هغوی سره قانوني چلند وشي.
په دغې لیدنه کې، موظف هیئت د دغو موټر پلورنځیو له مالکانو څخه وغوښتل چې خپلو معاملو کې له رسمي سېټو او د نورو قانوني سندونو په پام کې نیولو سره کار واخلي.
