تخار ولایت کې ۱۳۰۰ جریبه ځمکه امارتي تثبیت شوه
د تخار ولایت د ځمکو د غصب د مخنیوي د تخنیکي هیئت ناسته د شعبان میاشت په ۲۳ نېټه د چهارشنبې په ورځ ددغه هیئت د رئیس او غړو په حضور سره جوړه شو او د تخنیکي هيئت په پته استول شوې دوسیې پکې، بررسي شوې او دغې برخه کې لازم تصمیمونه ونیول شول.
دغې ناسته کې، د سرای سنګ کنجګ او ناقلینو خلکو سره هم کتنه وشوه او د دعوا د لورو او سیمه ییزو مخوورو د وړاندیزونو له اوریدلو څخه وروسته، پریکړه وشو چې یاد هیئت د شخړې لاندې ځمکو د بررسۍ، تثبیت او کروکي په منظور د تالقان د هوايي ډګر د ۲ شمېرې لوا، د سرای سنګ کنجک ساحې ته ولاړ شي او یادې ساحې بررسي کړي.
یاد شوی هیئت د یادو ساحو له لیدنې، کروکي او د مساحت تعیین څخه وروسته ۱۳۰۰ جریبه للمي ځمکه چې زیاته برخه یې د استوګنو په ودانیو تبدیله شوې ده، په ګوته او امارتي تثبیت کړي.
