خبرتیا، ددفاع وکالت د ستاژ برنامې د لومړۍ دورې د ستاژرانو د پام وړ
د دفاع وکالت د ستاژ برنامې د ستاژرانو پر له پسې غوښتنو ته په پام سره او د هغوی له لوري د وړاندې شویو ستونوز په پام کې نیولو سره له دغې جملې څخه؛ له مرکز (کابل) څخه ددوی اکثرو استوګنځایونو لرې والی، د ستاژرانو اقتصادي ستونزو او د روژې سپېڅلې میاشتې له پیل سره سم د دفاع وکالت د ستاژ برنامې پيل؛ ترحماً لاندې تصمیمونه ونیول شول.
۱- د دفاع وکالت د برنامې درسونه په حضوري او آنلاین ډول ترسره کیږي. د حضوري ډول غوښتونکو له پاره درسونه په حضوري او د آنلاین ډول غوښتونکو له پاره درسونو په آنلاین ډول ترسره کیږي.
۲- هغه غوښتونکي چې د برنامې د درسونه په آنلاین ډول کې د برخې اخیستنې غوښتنه لري، اړ دي چې د سمستر په پای کې د شل ورځو له پاره په حضوري ډول د عملي کارونو سرته رسولو او د سمستر د وروستۍ آزموینې له پاره د عدليې وزارت په مقر کې حاضر شي او اړوندو ټولګیو کې ونډه واخلي.
۳- د دفاع وکالت د ستاژ برنامې د لومړي سمستر درسونه د روژې د سپیڅلې میاشت له پای ته رسیدلو څخه وروسته د شوال میاشت په لسمه نېټه پیلیږي.
۴- هغه اشخاص چې د دفاع وکالت ستاژ برنامې ته معرفي شوي اړ دي چې، ۲۰/وري/۱۴۰۲ نېټه د قانون جوړولو د چارو او د علمي-حقوقي څېړنو د انستېتوت د قوانینو د مطالعې، تشریح او ښوونې دیپارتمنت ته د تعرفې ترلاسه کولو او د برنامې د لومړي سمستر د فیس ورکول له پاره مراجعه وکړي.
