د بادغیس ولایت د ځمکې د غصب د مخنیوي د تخنیکي هیئت د ناستې جوړیدل
د بادغیس ولایت د ځمکې د غصب د مخنیوي د تخنیکي هیئت ناسته د یاد هیئت د رئیس او غړو په حضور سره جوړه شوه.
په دغې ناسته کې، د مخکنۍ ناستې د موضوعاتو په اړه بحث او د نظر تبادله ترسره شوه او هم د راتلونکې اوونې له پاره کاري پلان جوړ شو.
په دغې ناسته کې پریکړه وشوه چې تخنیکي هیئت سنګ آتش ولسوالۍ ته سفر وکړي او د پسته لیق له ساحې څخه له نږدې لیدنه او بررسي ترسره کړي او یادې شوې ساحه کې د پستې ځنګل له غاصبینو څخه خلاصه کړي.
دغه راز یاده ناسته کې پریکړه وشوه چې د ترکمنستان پولې ته څېرمه د سنګ آتش ولسوالۍ تور شیخ سیمې ته لاړ شي او د ۱۳۵۷ کال کادستري نقشه چې ۲۱ قطعې ځمکه پکې شامله ده، په یادې ساحه کې تطبیق کړي.
