د فاریاب او بغلان ولایتونو د تخنیکي هیئتونو د ناستو جوړیدل
د فاریاب او بغلان ولایتونو د ځمکې د غصب د مخنیوي د تخنیکي هیئتونو ناستې ددغو هیئتونو د رئیسانو او غړو په حضور سره جوړې شوې او هم دغو ولایتونو کې له ځینو ساحو څخه لیدنه وشوه.
د فاریاب ولایت تخنیکي هیئت له غونډې څخه وروسته ددغه ولایت جواجه سبز پوش ولسوالۍ ته سفر وکړ او ده نو، صحرائي قلعه، باي ماغلي، کمالزي، چیان چاقتي او ترقچي کلیو اوسیدونکو ته يې د عالیقدر امیرالمومنین حفظه الله د فرمان په اړه معلومات وړاندې کړل.
دغه راز یاد شوي هیئت هغو افرادو او اشخاصو ته چې د یکه پسته په نوم امارتي ساحې یې په غیر قانوني ډول استفاده کړي، پوهاوی ورکړ.
په همدې حال کې، د بغلان ولایت د تخنیکي هیئت په ناسته کې د تېرې اوونۍ د کړنو او د هغې د ننګونو او ستونزو د بررسۍ په اړه بحث او د نظر تبادله وشوه.
په دغې ناسته کې، د ځمکې د غصب پر مخنیوي ټینګار وشو او د مزایدې له لارې د امارتي استرداد شوې ځمکې د اجارې ورکوونې پریکړه وشوه.
