د جوزجان ولایت د تخنیکي هیئت ناسته جوړه شوه
د جوزجان ولایت د ځمکې د غصب د مخنیوي تخنیکي هیئت ناسته ددغه هیئت د رییس او غړو په حضور سره جوړه شوه او پکې د افغان ګاز د تصدۍ ریاست د قضيې په اړه چې ادعا لري، ځمکې یې د F پروژې د سړک په مسیر کې غصب شوي، بحث او د نظر تبادله وشوه.
په دغې ناسته کې یاد هیئت د قضيې د دواړو لورو سندونه بررسي کړل په دغې برخه کې له اړوند اشخاصو او ادارو څخه هم معلومات وغوښتل شوو. دغه راز یاد هیئت ساحه له نږدې ولیدله او ددغې ساحې د مسلکي او فني څېړنو پر بشپړولو يې لارښوونه وکړه.
یاد هيئت د دوو اشخاصو تر شخړې لاندې ساحې څخه د کمېسیون د مشرتابه د لیک پر اساس لیدنه وکړه او د هغې سندونه يې د مساحت او کروکي له تعیین څخه وروسته بررسي کړل. هیئت د کادستر ټیم او د امارت د قضایاو مسلکي غړو ته دنده وسپارله ترڅو دغې برخه کې څېړنې بشپړې کړي.
د جوزجان ولایت تخنیکي هیئت په سه شنبه کلي کې د ترکستان په نوم ښارګوټي غصب شوې امارتي ساحه له نږدې ولیدله او د سیمې له اوسیدونکو سره یې وکتل. هیئت هغوی ته د ځمکې د غصب، کمېسیون او اړوندې مقررې په اړه معلومات ورکړل او له هغوی څخه یې د همکارۍ غوښتنه وکړه.
یاد هیئت هغوی ته معلوماتي استعلام هم وویش او د کادستر ټیم او د امارت قضایاو ته دنده وسپارله چې د یادې ساحې څېړنې او اصولي سندونه بشپړ کړي.
