د هرات ولایت د عدليې ریاست د اداري ناستې جوړیدل
د هرات ولایت د عدليې ریاست اداري ناسته د ۱۴۴۴ هجري قمري کال د رجب المرجب میاشت په ۸ نېټه ددوشنبې په ورځ د هرات ولایت د عدليې رییس الحاج مولوي یارمحمد جانان خادمي په مشرۍ او ددغه ریاست د آمرینو او کارکوونکو په ګډون د یاد ریاست په مقر کې جوړه شوه.
دغې ناسته کې د عدليې رییس ددغه ریاست د آمرینو او کارکوونکو له کړنو او هڅو هرکلی وکړ او هغوی ته یې له مراجعینو سره د ښې رویې او نیک رفتار توصیه وکړه.
دغه راز نوموړي ددغه ریاست کارکوونکو ته توصیه وکړه چې حاضرۍ ته پابند اوسي او له بې ځایه غیرحاضرۍ ډډه وکړي.
په پای کې، ددغه ریاست آمرینو او کارکوونکو خپل د ادارو ستونزې او ننګونې د عدلیې له رییس سره شریکې کړې. د عدليې رییس د هغوی د ستونزو د حل په برخه کې لازمې لارښوونې او د همکارۍ ژمنه وکړه.
