د کندهار ولایت له دارالتادیب څخه ددغه ولایت د عدليې رییس لیدنه
د کندهار ولایت د عدليې رییس الحاج مولوي نور آغا هاشمي د جمادي الثاني میاشت په ۱۰ نېټه د سه شنبې په ورځ د یاد ولایت د ماشومانو له دارالتادیب څخه لیدنه وکړه.
دغې لیدنه کې چې د یاد ولایت د دارالتادیب آمر هم حضور درلود، د عدليې رییس د ماشومانو د دارلتادیب له امنیتي، روغتیايي، خوړو، ښوونیزې او لیليې برخو څخه نظارت وکړ او ددغه آمریت ټولې چارې یې تر ارزونې لاندې ونیولې.
دغه راز نوموړي د چارو د لا ښه والي په منظور اړوندو مسوولینو ته لازمې لارښوونې وکړې.
