لغمان ولایت کې د ځمکې د غصب د مخنیوي د تخنیکي کمېټې د درېیمه ناستې جوړېدل
لغمان ولایت کې د ځمکې د غصب د مخنیوي او د غصب شوو ځمکو د تشخیص او تثبیت د تخنیکي کمېټې درېیمه ناسته د ربیع الثاني میاشت په ۲۵ نېټه د یکشنبې په ورځ د کرنې رییس په مشرۍ او د عدلیې رییس او ددغې کمېټې د نورو غړو په ګډون جوړه شوه.
دغې ناسته کې په وخت د اجرااتو، د کمېټې ناستو کې د حاضرېدو د پابندۍ او د غصب شوو ځمکو د تشخیص له پاره د پلان جوړولو په اړه خبرې او ددغې کمېټې غړو ته لازمې لارښوونې وشوې.
د کمېټې غړو هم د ناستې بحث اړوندې موضوع په اړه خپل نظرونه وړاندې کړل او پریکړه وشوه چې د کمېټې ناستې اوونۍ کې دوه ځلې ترسره شي او په یوې ناسته کې پلان جوړ شي او په راتلونکي ناسته کې پلان په عملي بڼه په سېمه کې تطبیق شي.
دغه راز پریکړه شوه د کادستر د برخې مسوولین د اوونۍ په دریو ورځو کې ددغه ولایت غصب شوې ځمکې تثبیت او تشخیص کړي او راپور یې کمېټې ته وړاندې کړي. د پوهاوي ورکوونې په اړه هم پریکړه وشوه چې په دغې برخه کې د امیرالمومنین حفظه الله فرمان د جوماتونو د منبرونو او د لغمان ولایت د ملي راډیو تلوېزیون له لارې خلکو ته واورول شي.
