په عدلیې وزارت کې د فاتحې د مراسمو غونډه ترسره شوه
د افغانستان اسلامي امارت د عدلیې وزارت د غبرګولي په ۷ نېټه د شنبې په ورځ د دې وزارت د حقوقي مساعدتونو لوی رئیس مولوي محمد نور غاور د شهادت له کبله په دې وزارت کې د فاتحې د مراسمو غونډه ترسره کړه.
په دې غونډه کې د عدلیې وزارت سرپرست شیخ الحدیث مولوي صاحب عبدالحکیم شرعي، د دې وزارت رئیسانو او کارکوونکو او د مولوي محمد نور غاور د کورنۍ غړو ګډون کړی و.
د عدلیې وزارت سرپرست د مرحوم روح ته د دعا تر څنګ، د هغه پاتې کورنۍ ته تسلیت او غمرازي وړاندې کړه او مرحوم ته یې د لوی څښتن تعالی څخه د جنت الفردوس استدعا وکړه. په دې غونډه کې د یاسین سورت هم د ایصال ثواب لپاره تلاوت شو.
مولوي محمد نور غاور یو څو موده د عدلیې وزارت د امارت د قضایاوو د لوی رئیس په حیث کار وکړ او په دې وروستیو کې د دې وزارت د حقوقي مساعدتونو د لوی رئیس په حیث پر دنده ګمارل شوی و. هغه تېره اونۍ د جمعې په ورځ (د غبرګولي په ۳۰ نېټه) د غزني ولایت اړونده سیمه کې د کابل- کندهار پر لوی لار د یوې ترافیکي پیښې په ترڅ کې په شهادت ورسید.
