۷ تنو ته د رسمي سندونو د ژباړې د فعالیت جوازلیکونه وویشل شول
د عدليې وزارت د قانون جوړونې عمومي رياست اړوند د تقنيني سندونو د ژباړې او د رسمي سندونو د تصديق رياست، د رجب المرجب د مياشتې په ۲۰ مه نېټه، د سه شنبې په ورځ، د رسمي سندونو ژباړونې د فعاليت د جواز ۷ تنو غوښتونکو ته، د فعاليت جوازونه وويشل.
د فعاليت د جوازونو د ويشلو پر مهال د تقنيني سندونو د ژباړې او د رسمي سندونو د تصديق رئیس مفتي احمد الفجر د موضوع په تړاو خبرې وکړې او د رسمي سندونو د ژباړې د فعالیت له جواز غوښتونکو سره یې لازم معلومات شریک کړل او هغوی یې خپلو مسؤولیتونو او مکلفیتونو ته متوجه کړل.
