۲۰۰ جریبه ځمکه په تخار ولایت کې امارتي تثبیت شوه
د تخار ولایت د ځمکو د غصب د مخنیوي تخنیکي هیئت په یاد ولایت کې له بېلابېلو ساحو څخه په لیدنې سره، ۲۰۰ جریبه ځمکه امارتي تثبیت کړه او څه دپاسه ۱۶۰ جریبه نوره ځمکه یې استرداد کړه.
یاد شوي هیئت، د روژې میاشت په ۱۳ نېټه د سه شنبې په ورځ، د بنګي ولسوالۍ د غصب شویو ځمکو دوسیې مطالعه او بررسي کړې او ساحه یې هم له نږدې څخه بررسي کړه.
هیئت له د یادو شویو ځمکو له لیدنې او بررسۍ او له ځايي خلکو سره له خبرو څخه وروسته، ۲۰۰ جریبه ځمکه امارتي تثبیت کړه.
دغه راز یاد شوي هیئت د روژې میاشت په ۱۴ نېټه د چهارشنبې په ورځ، د فرخار د شهر کهنه ساحې ته ولاړ او غصب شوې ساحې یې له نږدې څخه ولیدلې او بررسي کړي.
په پایله کې، د دوسیو له بررسۍ او له ځايي خلکو سره له خبرو څخه وروسته مشخصه شوه چې یاده ساحه کې ۱۱۳ جریبه د اجارې وړ او ۵۰ جریبه زبور ځمکه موجوده ده چې یادې شوې ځمکې استرداد شوې او ډیر ژر په اجاره ورکول کیږي.
