په کنړ ولایت کې کابو ۱۷ جریبه ځمکه امارتي تثبیت شوه
د کنړ ولایت د ځمکو د غصب د مخنیوي تخنیکي هیئت د یاد ولایت په څوکۍ ولسوالۍ کې د دوو کادستري ټوټو په بررسۍ سره، ۱۷ جریبه ځمکه امارتي تثبیت او تشخیص کړه.
له تخنیکي هیئت څخه یو ټیم د شعبان د شعبان په ۲۴ نېټه څوکۍ ولسوالۍ ته ولاړ او ۱۱۹۲ او ۱۱۹۸ کادستري ټوټي چې په دې ساحه کې موقعیت لري، بررسي کړي. یادې ټوټې امارتي دي او هیئت په هغو کې ۱۷ جریبه ځمکه تثبیت او تشخیص کړه، مشخصات یې واخیستل او د هغو غاصبین یې وپېژندل.
له بلې خوا له تخنیکي هیئت څخه یو ټیم هم د کنړ د کرنې په ریاست کې د یوې ناستې په جوړولو سره د ځمکو د غصب اړوند یو شمېر دوسیې بررسي کړې او په هکله یې لازم تصامیم ونیول.
