په کنړ ولایت کې څه دپاسه د ۹ جریبه غصب شوې امارتي ځمکې تثبیت او تشخیص
د کنړ ولایت د ځمکو د غصب د مخنیوي د تخنیکي هیئت ناسته د جمادي الثاني د میاشتې په ۱۱ نېټه د دوشنبې په ورځ د دغه هیئت د رئیس او غړو په حضور سره جوړه شوه او د ځمکو د غصب اړوند یو شمېر دوسیې په کې بحث او بررسۍ لاندې ونیول شوې او په دغې برخه کې لازم تصمیمونه ونیول شوو.
دغه راز له تخنیکي هیئت څخه یو ټیم، حکیم آباد شامکار کلي ته ولاړ او غصب شوې کرنیزې ځمکې او د کادسترې ټوټو پر ۹.۷۲۶ جریبه ځمکې باندې جوړ شوي کورونه چې د ۱۳ تنو غاصبینو لهخوا ودان شوي له نږدې وکتل او بررسي کړل.
یاد شوي هیئت د یادې ځمکې مساحت، کروکي، ډول، بیه او اربعه حدود تشخیص او تفکیک کړل او د هغو د غاصبینو شهرت یې په جدول کې درج کړ.
