په کنړ ولایت کې له يو شمېر دارالوکالو څخه نظارت ترسره شو
د کنړ ولایت د عدلیې رياست د حقوقي مرستو آمریت نظارتي پلاوي د محرمالحرام د مياشتې په ۶مه نېټه د چهارشنبې په ورځ، د دغه ولایت په مرکز اسعد آباد ښار کې له یو شمېر دارالوکالو څخه نظارت ترسره کړ او د هغو فعالیتونه یې بررسي کړل.
نظارتي پلاوي د دغه نظارت په ترڅ کې د یادو دارالوکالو دفترونه، جوازلیکونه، لوحې او نور سندونه بررسي کړل.
مؤظف پلاوي، د یادو دارالوکالو نیمګړتیاوې مشخصې کړې او د ستونزو او نیمګړتیاو د لرې کولو په هکله یې د هغو متصدیانو ته لازمې توصیې وکړې.
همدارنګه د دغه نظارت په ترڅ کې مدافع وکيلانو هم خپلې شته ستونزې له نظارتي پلاوي سره شریکې کړې چې د حل په برخه کې ډاډ ورکړل شو.
د کنړ ولایت د عدلیې رياست په دوامداره توګه په یاد ولایت کې له اړوندو برخو څخه نظارت ترسره کوي ترڅو د غير قانوني فعالیتونو مخنيوی وشي.
