په کنړ ولایت کې د ۳۸ جریبه غصب شوې امارتي ځمکې تثبیت او تشخیص
د کنړ ولایت د ځمکو د غصب د مخنیوي د تخنیکي هیئت ناسته د جمادي الاول د میاشتې په ۸ نېټې د چهارشنبې په ورځ د دغه هیئت د رئیس او غړو په حضور سره جوړه شوه او د ځمکو د غصب اړوند یو شمېر دوسیې په کې بحث او بررسۍ لاندې ونیول شوې او په دغې برخه کې لازم تصمیمونه ونیول شول.
دغه راز له تخنیکي هیئت څخه یو ټیم د خاص کنړ ولسوالۍ شامکار کلي ته ولاړ او په کادستري ټوټو کې ۳۸ جریبه غصب شوې کرنیزه ځمکه چې د ۴۴ تنو غاصبینو له خوا غصب شوې له نږدې ولیدله او بررسي کړه.
یاد شوي هیئت د دغې ځمکې مساحت، کروکي، ډول، بیه او اربعه حدود تشخیص او تفکیک کړل او د هغې د غاصبینو شهرت یې په جدول کې درج کړ.