په کندوز ولایت کې د معاملاتو لارښوونې له ۹ دفترونو څخه نظارت ترسره شو
د کندوز ولایت د عدلیې رياست نظارتي پلاوي د روژې د مياشتې په ۱۴مه نېټه، د سه شنبې په ورځ په کندوز ښار کې د معاملاتو لارښوونې له ۹ دفترونو څخه نظارت ترسره کړ او د هغو فعاليتونه یې بررسي کړل.
نظارتي پلاوي د دغه نظارت په ترڅ کې د یادو دفترونو د معاملاتو څرنګوالی، د فعاليت جواز، د ثبت کتابونه او یو شمېر نور اړين اسناد بررسي کړل چې په ترڅ کې یې ۱ دفتر د یو شمېر غير قانوني فعاليتونو له امله وتړل شو.
همدارنګه، نظارتي پلاوي د نورو دفترونو په چارو کې يو شمېر ستونزې او نيمګړتياوې مشخصې کړې او د لرې کولو په موخه یې متصديانو ته لازمې توصیې وکړې.
د کندوز ولایت دعدلیې رياست په دوامداره توګه له اړوندو برخو نظارت ترسره کوي تر څو د غير قانوني فعاليتونو مخه ونيول شي.
