په کندوز ولایت کې د معاملاتو لارښوونې له یو شمېر دفترونو څخه نظارت ترسره شو
د کندوز ولایت د عدلیې رياست نظارتي پلاوي د روژې د مياشتې په ۷ مه نېټه د سه شنبې په ورځ، د کندوز ښار په پنځمه ناحيه کې د معاملاتو لارښوونې له ۱۰ دفترونو څخه نظارت ترسره کړ.
نظارتي پلاوي د دغه نظارت په ترڅ کې د یادو دفترونو د فعاليت جوازونه، د ثبت کتابونه، رسمي سټې او یو شمېر نور اړين اسناد بررسي کړل.
مؤظف نظارتي پلاوي د معاملاتو لارښوونې دفترونو متصديانو ته توصیه وکړه چې د خپل د فعاليت جوازونه پر وخت تمديد کړي او له رسمي سټو څخه ګټه پورته کړي او د جعلي سټو له کارولو څخه ډډه وکړي.
د کندوز ولایت دعدلیې رياست په دوامداره توګه له اړوندو برخو څخه نظارت ترسره کوي ترڅو د غیر قانوني فعاليتونو مخنيوی وشي.
