په کندوز ولايت کې د معاملاتو لارښوونې له ۱۱ دفترونو څخه نظارت ترسره شو
د کندوز ولایت د عدلیې ریاست نظارتي پلاوي، د شوال د میاشتې په ۱۳مه نېټه د سه شنبې په ورځ د یاد ولایت د مرکز، کندوز ښار په پنځمه ناحیه کې د معاملاتو لارښوونې له ۱۱ دفترونو څخه نظارت ترسره کړ او د هغو فعالیتونه یې بررسي کړل.
د دغه نظارت او بررسۍ په ترڅ کې، د معاملاتو لارښوونې په دفترونو کې موجودې ستونزې او نيمګړتياوې مشخصې شوې او متصدیانو ته یې د اصلاح او د کاري چارو ښه پرمخ وړلو په موخه لازمې توصیې وشوې.
د عدلیې وزارت په مرکز او د عدلیې ریاستونه په ولایتونو کې، په دوامداره توګه له اړوندو برخو څخه نظارت او بررسي ترسره کوي تر څو د غير قانوني فعاليتونو مخه ونيول شي.
