په کندز ولایت کې له يو شمېر دارالوکالو څخه نظارت ترسره شو
په کندز ولایت کې د شمال ختيځ زون د مدافع وکيلانو آمريت نظارتي پلاوي د ربیعالاول د مياشتې په لومړۍ نېټه د دوشنبې په ورځ، د دغه ولایت په مرکز کې له یو شمېر دارالوکالو څخه نظارت ترسره کړ او د هغو فعالیتونه یې بررسي کړل.
نظارتي پلاوي د دغه نظارت په ترڅ کې د یادو دارالوکالو دفترونه، جوازلیکونه، لوحې او نور سندونه بررسي کړل چې په ترڅ کې یوه دارالوکاله د غير قانوني فعاليت له امله وتړل شوه.
همدارنګه پلاوي د نورو دارالوکالو ځینې نيمګړتياوې مشخصې کړې او د هغو متصديانو ته یې د یادو ستونزو د لرې کولو او د کاري چارو ښه پرمخ وړلو په موخه لازمې توصيې وکړې.
د دغه نظارت په ترڅ کې مدافع وکيلانو هم خپلې موجودې ستونزې له نظارتي پلاوي سره شريکې کړې او د هغو د حل غوښتونکي شول چې د حل په برخه کې ډاډ ورکړل شو.
