په کندز ولایت کې د یو شمېر عریضه ليکونکو د فعالیت نظارت کېدل
د کندز ولایت د عدلیې رياست نظارتي پلاوي، د جمادي الاول د مياشتې په ۲ مه نېټه د دوشنبې په ورځ، د دغه ولایت د مرکز اړوند په لومړۍ، دوهيمې او درېيمې ناحیو کې د یو شمېر عریضه ليکونکو د فعاليت له څرنګوالي څخه نظارت ترسره کړ.
د یاد نظارت په ترڅ کې نظارتي پلاوي د ۴ عریضه لیکونکو فعاليت د فعالیت جواز نه لرلو او یا هم د نېټې تېرېدلو له امله ودرول او د پاتې نورو عریضه ليکونکو نېمګړتېاوې یې مشخصې کړې او د ستونزو لرې کولو او د کاري چارو ښه پرمخ وړلو په برخه کې یې هغوی ته لازمې توصیې وکړې.
