په کندز ولایت کې د یو شمېر دارالوکالو نظارت او بررسي
د کندز ولایت د عدلیې ریاست نظارتي پلاوي د ربیعالثاني د میاشتې په ۲۴ مه نېټه د یکشنبې په ورځ په یاد ولایت کې د یو شمېر دارالوکالو له دفترونو څخه نظارت ترسره کړ او د هغو فعالیتونه یې بررسي کړل.
د دغه نظارت په ترڅ کې نظارتي پلاوي یوه دارالوکاله د مدافع وکیلانو له کړنلارې څخه د پرله پسې سرغړونو له امله وتړله او د نورو دارالوکالو متصدیانو ته يې د کاري چارو ښه پرمخ وړلو په برخه کې لازمې توصیې وکړې.
یاد هیئت له هغوی څخه وغوښتل تر څو خپل فعاليتونه د مدافع وکیلانو د کړنلارې مطابق ترسره کړي.
د کندز ولایت د عدلیې رياست په یاد ولایت کې په دوامداره توګه له اړوندو برخو نظارت ترسره کوي تر څو د غير قانوني فعالیتونو مخنيوی وشي.
