په کندز ولایت کې د معاملاتو لارښوونې ۹ دفترونه د غير قانوني فعاليت له امله وتړل شول
د کندز ولایت د عدلیې رياست نظارتي پلاوي، د ربیعالآخر د مياشتې په ۸مه نېټه د چهارشنبې په ورځ د یاد ولایت په امام صاحب ولسوالۍ کې د معاملاتو لارښوونې له ۲۹ دفترونو څخه نظارت ترسره کړ او د هغو فعاليتونه یې بررسي کړل.
نظارتي پلاوي د یادو دفترونو د فعاليت جوازونه، رسمي سټې، د ثبت کتابونه او یو شمېر نور اړين اسناد بررسي کړل چې په ترڅ کې یې ۹ دفترونه د غير قانوني فعاليت له امله وتړل شو.
همدارنګه نظارتي پلاوي د پاتې نورو دفترونو په فعاليتونو کې یو شمېر ستونزې او نيمګړتياوې مشخصې کړې او د یادو ستونزو د حل او د کاري چارو ښه پر مخ وړولو په موخه لازمې توصیې وکړې.
د کندز ولایت عدلیې رياست په دوامداره توګه له اړوندو برخو څخه نظارت ترسره کوي تر څو د غير قانوني فعاليتونو مخنيوی وشي.
