په کاپيسا ولایت کې د څه باندې ۴۰۰ جریبه امارتي ځمکې تثبیت
د کاپيسا ولایت د ځمکو له غصب څخه د مخنیوي تخنیکي هیئت ناسته، د ربیع الاول د مياشتې په ۲۶ مه نېټه د یکشنبې په ورځ، د یاد هيئت د رئيس او غړو په ګډون ترسره شوه.
د تخنيکي هيئت په دې ناسته کې د یاد ولایت تګاب ولسوالۍ اړوند په شريزار دښته کې د څلور سوه پنځلس (۴۱۵) جریبې ځمکې په اړه بحث وشو او په ترڅ کې یې یاده ځمکه امارتی تثبیت او تشخیص شوه. هيئت پرېکړه وکړه چې د یادې ځمکې دوسیه دې بشپړه شي.
همدارنګه په ياده ناسته د کاپیسا ولایت د بېلابېلو ساحو د غصب شويو ځمکو اړوند یو شمېر نورې دوسیې هم بررسي شوې او په اړه یې لازمې پرېکړې وشوې.
