په کابل ښار کې ۳۶ خیریه بنسټونه او اتحادیې نظارت او بررسۍ لاندې ونیول شوې
د عدليې وزارت د ټولنو او ټولنيزو بنسټونو رياست نظارتي پلاوي، د تېرو دوه مياشتو په ترڅ کې په کابل ښار کې ۱۹ اتحادیې او ۱۷ خیریه بنسټونه نظارت او بررسي کړل.
ياد شوي پلاوي په دې بررسۍ سره، د یوه خیریه بنسټ چې د جواز د اعتبار موده یې پای ته رسیدلې وه او په ناقانونه توګه يې فعالیت درلود، دفتر یې مهرلاک کړ.
هیئت د یادو اتحادیو او خیریه بنسټونو متصدیانو ته توصیه وکړه چې د افغانستان اسلامي امارت د اصولو او پاليسیو مطابق خپل فعالیتونه ترسره کړي.
همداراز له هغوی څخه وغوښتل شول چې د خپلو فعالیتونو راپور په خپل وخت د ټولنو او ټولنیزو بنسټونو چارو ریاست ته وړاندې کړي.
د عدليې وزارت د ټولنو او ټولنيزو بنسټونو د چارو رياست نظارتي پلاوی په دوامداره توګه د اتحادیو او خیریه بنسټونو له فعالیت څخه بررسي او نظارت ترسره کوي تر څو د ناقانونه فعالیتونو مخنیوی وکړي.
