په پکتیا ولایت کې د سرو زرو له یو شمېر پلورنځيو څخه نظارت ترسره شو
د پکتیا ولایت د عدليې ریاست نظارتي پلاوي د صفرالمظفر د مياشتې په ۴مه نېټه د سهشنبې په ورځ د امر بالمعروف او نهی عن المنکر او د زرګرانو اتحادیې د استازو په ګډون د دغه ولایت د څمکنۍ ولسوالۍ د زرګرۍ له یو شمېر پلورنځيو څخه نظارت ترسره کړ.
پلاوي د یاد نظارت پر مهال د طلا د عيار او د نقرې نرخونه او ځینې نور اړين موارد بررسي کړل چې په ترڅ کې یو شمېر ستونزې او نيمګړتياوې مشخصې شوې.
مؤظف پلاوي د دغو ستونزو د لرې کولو او همدارنګه د کاري چارو ښه پرمخ وړلو په موخه د یادو شویو سرو زرو پلورنځيو مسؤولينو ته لازمې توصیې وکړې.
د عدلیې وزارت په مرکز او د عدلیې ریاستونه په ولایتونو کې په دوامداره توګه له اړوندو برخو څخه نظارت ترسره کوي تر څو د غیر قانوني فعالیتونو مخه ونیول شي.
