په پنجشیر ولایت کې د ۵ جریبه وقفي ځمکې تثبیت
د پنجشیر ولایت د ځمکو د غصب د مخنیوي تخنیکي هیئت د رجب المرجب د میاشتې په ۱۶ نېټه د یکشنبې په ورځ آبشار ولسوالۍ ته په سفر سره، په دې ولسوالې کې ۵ جریبه وقفي ځمکه تشخیص او تثبیت کړه.
د یاد هیئت غړو لومړی د آبشار ولسوالۍ له سیمه ییزو مسؤولینو او د دغې ولسوالۍ د بېلابېلو کلیو اوسیدونکو سره هم وکتل او هغوی ته یې د ځمکو د غصب د مخنیوي کمېسیون په اړه معلومات وړاندې کړل.
دغه راز هیئت د یادې ولسوالۍ د ګلاب خیل کلي ځینې ساحې بررسي کړې او په دې کلي کې ۵ جریبه وقفي ځمکه تشخیص او تثبیت کړه.
