په هرات ولایت کې څه باندې ۷۵ زره جریبه امارتي ځمکې تشخيص
د هرات ولایت د ځمکو له غصب څخه د مخنیوي تخنیکي هیئت ناسته د شوال د مياشتې په ۱۵ مه نېټه یکشنبې په ورځ، د یاد هیئت د رئیس او غړو په ګډون جوړه شوه.
په دې ناسته کې د هرات ولایت په زیر کوه ولسوالۍ کې د پنځه اويا زره (۷۵۰۰۰) جریبه ځمکې او د هرات ښار په ۱۱مه ناحيه کې د څه باندې یو پنځوس (۵۱) جریبه ځمکو دوسیي تر بحث او بررسۍ لاندې ونیول وشوې او په ترڅ کې یادې ځمکې امارتي تشخيص شوې.
هيئت پرېکړه وکړه چې د یادو ځمکو دوسیې دې د وروستۍ پرېکړې په موخه مرکزي کمېسيون ته واستول شي.
همدارنګه، په دې ناسته کې د هرات ولایت په بېلابېلو ساحو کې د غصب شویو ځمکو اړوند یو شمېر نورې دوسیې تر بحث او بررسۍ لاندې ونيول شوې او په اړه يې لازم تصامیم ونیول شول.
