په نیمروز ولایت کې څه د پاسه د ۱۸۰۰ جریبه امارتي ځمکې تثبیت
د نیمروز ولایت د ځمکو د غصب د مخنیوي د تخنیکي هیئت ناسته د جمادي الاول میاشتې په ۲۰ نېټې د دوشنبې په ورځ د دغه هیئت د رئیس او غړو په حضور سره جوړه شوه او د ځمکو د غصب اړوند یو شمېر دوسیې په کې بحث او بررسۍ لاندې ونیول شوې او پریکړه وشوه چې د بررسۍ په منظور یادو شویو ساحو ته سفر وکړي.
دغه راز له تخنیکي هیئت څخه یو ټیم د یاد ولایت د خاشرود ولسوالۍ بسرنګي کلي ته سفر وکړ او کابو ۱۸۵۱ جریبه امارتي ځمکه یې د املاکي دفترونو او کادستري نقشو پر بنسټ په جي پي اس دستګاه سره تثبیت او تفکیک کړې او خط یې په کې واچو.
