په نیمروز ولایت کې د یو شمېر موټر پلورنځیو او د معاملاتو لارښوونې دفترونو نظارت کېدل
د نیمروز ولایت د عدلیې ریاست نظارتي پلاوي، د روژې د میاشتې په ۲۲ مه نېټه د شنبې په ورځ، په یاد ولایت کې د موټر پلورنځیو او د املاکو د معاملاتو لارښوونې له ۱۶ دفترونو څخه نظارت ترسره کړ.
د دغه نظارت په ترڅ کې، د موټر پلورنځیو او د املاکو د معاملاتو لارښوونې د دفترونو رسمي سټې، د ثبت کتابونه او نور اړوند سندونه وکتل شوو او بررسي شول.
مؤظف پلاوي، د یادو دفترونو نیمګړتیاوې مشخصې کړې او د ستونزو او نیمګړتیاو د لرې کولو په هکله یې د هغو متصدیانو ته لازمې توصیې وکړې.
د عدلیې وزارت په مرکز او د عدلیې ریاستونه په ولایتونو کې په دوامداره توګه له اړوندو برخو څخه نظارت او څارنه ترسره کوي تر څو د غیر قانوني فعالیتونو مخه ونیول شي.
