په نيمروز ولايت کې د غیرقانوني فعالیت له امله د معاملاتو لارښوونې د درېیو دفترونو تړل کېدل
د نيمروز ولایت د عدلیې رياست نظارتي پلاوي، د یاد ولایت په مرکز، زرنج ښار کې د معاملاتو لارښوونې له یو شمېر دفترونو څخه نظارت ترسره کړ.
د دغه نظارت او بررسۍ په ترڅ کې، د معاملاتو لارښوونې ۳ دفترونه د غیر قانوني فعالیتونو له کبله وتړل شول او د پاتې نورو، د معاملاتو لارښوونو دفترونو متصدیانو ته د شته نيمګړتياوې د اصلاح او د کاري چارو ښهوالي په موخه لازمې توصیې وشوې.
د نيمروز ولایت، عدلیې رياست په دوامداره توګه په یاد ولایت کې د معاملاتو لارښوونو له دفترونو څخه نظارت ترسره کوي تر څو د غير قانوني فعالیتونو مخنيوی وشي.
