په ننګرهار ولایت کې د څه باندې ۹۳۹ جریبه ځمکې بررسي کېدل
د ننګرهار ولایت د ځمکو له غصب څخه د مخنیوي تخنیکي هیئت ناسته د صفرالمظفر د مياشتې په ۲۶مه نېټه د چهارشنبې په ورځ، د دغه هيئت د رئيس او غړو په ګډون جوړه شوه.
د تخنيکي هيئت په دې ناسته کې د یاد ولایت د بهسود ولسوالۍ اړوند په بینګاه کلي کې د څه باندې نهه سوه نهه دېرش (۹۳۹) جریبه جریبه ځمکې دوسیه تر بحث او بررسي لاندې ونيول شوه.
هيئت پرېکړه وکړه چې د یادې ځمکې دوسیه دې بشپړه شي او په راتلونکې ناسته کې دې په اړه لازم تصمیم ونیول شي.
همدارنګه په دې ناسته کې د ننګرهار ولایت په نورو ساحو کې د غصب شويو ځمکو اړوند یو شمېر دوسیې بررسي شوې او په اړه یې لازم تصاميم ونيول شول.
