په ننګرهار ولایت کې د غیر قانوني فعالیت له امله ۹ موټر پلورنځي وتړل شول
د ننګرهار ولایت د عدلیې ریاست نظارتي پلاوي د شعبان د میاشتې په ۱۸ مه نېټه د دوشنبې په ورځ، د دغه ولایت د مرکز، جلال آباد ښار په درېيمه ناحيه کې له یو شمېر موټر پلورنځیو څخه نظارت وکړ.
یاد پلاوي د دغه نظارت او بررسۍ په ترڅ کې د موټر پلورنځیو د فعالیت قانوني جواز، د موټرو د پېر او پلور قانوني پروسه، د رسمي سټو کارول او نور اړین موارد بررسي کړل او ۹ موټر پلورنځي یې د غير قانوني فعاليت له امله وتړل.
د ننګرهار ولایت د عدلیې رياست په دوامداره توګه په اړوندو برخو کې نظارت او بررسي ترسره کوي تر څو د غير قانوني فعاليتونو مخنيوی وشي.
