په ننګرهار ولایت کې د غیرقانوني فعالیت په دلیل ۱۵ موټر پلورنځي وتړل شول
موظف هیئت چې په ترکیب کې یې د ننګرهار ولایت د عدلیې ریاست د انسجام امر او د ولایت د مقام، مستوفیت، ملي امنیت، امنیه قوماندانۍ او د ننګرهار ولایت د امارت د قضایاو د امریت استازي په کې شامل دي، د ربیع الثاني میاشت په ۶ نېټه د سه شنبې په ورځ د ننګرهار ولایت د نهمې ناحیې د قول اردو سیمې د موټر پلورنځي نظارت او بررسي کړل.
په دغې لیدنه کې د یادې سیمې له ۳۷ موټر پلورنځیو څخه نظارت او بررسي ترسره شوه. چې پایله کې یې ۱۵ موټرپلورنځي د غیرقانوني فعالیت له امله مهرلاک او وتړل شول.
دغه راز د ځینو ستونزو د وجود په دلیل ۲۲ نورو موټر پلورنځیو ته لازمې اصلاحي توصیې وشوې او له هغوی څخه وغوښتل شو ترڅو خپل فعالیتونه له اصولو او مقرراتو سره سم اجرا کړي.
