په ننګرهار ولایت د یو شمېر اتحاديو له دفترونو څخه نظارت ترسره شو
د ننګرهار ولایت د عدلیې ریاست نظارتي پلاوي د محرمالحرام د میاشتې په ۱۱مه نېټه د دوشنبې په ورځ، د دغه ولایت د مرکز جلالآباد ښار اړوند په لومړۍ او درېيمې ناحیو کې د یو شمېر اتحاديو له دفترونو څخه نظارت ترسره کړ او د هغو فعالیتونه یې بررسي کړل.
نظارتي پلاوي د دغه نظارت په ترڅ کې د یادو دفترونو د فعاليت جوازونه، رسمي مهرونه، مالي راپورونه او یو شمېر نور موضوعاتو څخه نظارت ترسره کړ.
د دغه نظارت په ترڅ کې د یادو دفترونو یو شمېر نيمګړتياوې مشخصې شوې او مسؤولينو ته توصيه وشوه چې خپلې شته ستونزې او نمګړتياوې حل کړي.
د عدلیې وزارت په مرکز او د عدلیې ریاستونه په ولایتونو کې، په دوامداره توګه له اړوندو برخو څخه نظارت او بررسي ترسره کوي تر څو د غير قانوني فعاليتونو مخه ونيول شي.
