په ننګرهار ولايت کې د غیر قانوني فعالیت له امله د معاملاتو لارښوونې د ۸ دفترونو تړل کېدل
د ننګرهار ولایت د عدلیې ریاست نظارتي پلاوي، د رجب المرجب د میاشتې په ۲۸ مه نېټه د چهارشنبې په ورځ، د یاد ولایت د مرکز جلال اباد ښار اړوند په نهمه ناحیه کې، د معاملاتو لارښوونې له یو شمېر دفترونو څخه نظارت ترسره کړ او د هغو فعالیتونه یې بررسي کړل.
موظف پلاوي د دغه نظارت په ترڅ کې دفترونه، جوازلیکونه، د ثبت کتابونه، رسمي سټې او د یادو معاملاتو لارښوونې د دفترونو نور سندونه بررسي کړل.
د نظارتي پلاوي د دغه نظارت او بررسۍ په ترڅ کې، د معاملاتو لارښوونې ۸ دفترونه د غيرقانوني فعاليت له امله وتړل شول.
د عدلیې وزارت په مرکز او د عدلیې ریاستونه په ولایتونو کې، په دوامداره توګه له اړوندو برخو څخه نظارت او بررسي ترسره کوي تر څو د غير قانوني فعاليتونو مخه ونيول شي.
