په ميدان وردګ ولایت کې د کابو ۴۸ زره جریبه ځمکې بررسي کېدل
د ميدان وردګ ولایت د ځمکو له غصب څخه د مخنيوي تخنيکي هيئت ناسته، د جمادی الأولی د مياشتې په ۸ مه نېټه د یکشنبې په ورځ د یاد هيئت د رئيس او غړو په ګډون ترسره شوه.
په دې ناستې کې د یاد ولایت د بهسود ولسوالۍ اړوند په ګول دښته کې د څه باندې اوه څلوېښت زره نههسوه درېاويا (۴۷۹۷۳) جریبه ځمکې د موضوع په اړه تر هر اړخيز بحث وروسته پرېکړه وشوه چې یاده دوسیه دې بشپړه او د وروستۍ پرېکړې په موخه دې مرکزي کمېسيون ته واستول شي.
همدارنګه په دې ناسته کې د یاد ولایت په بېلابېلو سيمو کې د ځمکو د غصب اړوند یو شمېر نورې دوسیې هم تر بحث لاندې ونيول شوې او په اړه یې لازمې پرېکړې وشوې.
