په لوګر ولایت کې له ۸ دارالوکالو څخه نظارت ترسره شو
د لوګر ولایت د عدلیې ریاست نظارتي پلاوي د جمادی الأولی د میاشتې په ۱۶ مه نېټه د چهارشنبې په ورځ، په یاد ولایت کې له ۸ دارالوکالو څخه نظارت ترسره کړ او د هغو فعالیتونه یې بررسي کړل.
نظارتي پلاوي د دغه نظارت په ترڅ کې د یادو دارالوکالو دفترونه، جوازلیکونه، لوحې او نور سندونه بررسي کړل.
پلاوي، د یادو دارالوکالو نیمګړتیاوې مشخصې کړې او د لرې کولو په هکله یې د هغو متصدیانو ته لازمې توصیې وکړې.
د لوګر ولایت د عدلیې رياست، په دوامداره توګه په یاد ولایت کې له اړوندو برخو څخه نظارت ترسره کوي ترڅو د غیرقانوني فعاليتونو مخه ونیسي.
