په لوګر ولایت کې د یو شمېر موټر پلورنځیو نظارت کېدل
د لوګر ولایت د عدلیې ریاست نظارتي پلاوي د ولایت د مقام او استخباراتو رياست د استازو په ملتيا د رجب المرجب د میاشتې په ۱۱ مه نېټه د يکشنبې په ورځ په یاد ولایت کې له ۱۲ موټر پلورنځیو څخه نظارت ترسره کړ.
د دغه نظارت په ترڅ کې، د موټر پلورنځیو رسمي سټې، د ثبت کتابونه او نور اړوند سندونه بررسي شول.
مؤظف پلاوي، د یادو موټر پلورنځيو نیمګړتیاوې مشخصې کړې او د ستونزو او نیمګړتیاو د لرې کولو په هکله یې د هغو متصدیانو ته لازمې توصیې وکړې.
همدارنګه نظارتي پلاوي د یادو موټر پلورنځيو د متصدیانو ستونزې هم واروېدلې او د حل په برخه کې ډاډ ورکړ.
د عدلیې وزارت په مرکز او د عدلیې ریاستونه په ولایتونو کې په دوامداره توګه له اړوندو برخو څخه نظارت او څارنه ترسره کوي تر څو د غیر قانوني فعالیتونو مخه ونیول شي.
