په لغمان ولایت کې د ۳۳۲ جریبه امارتي ځمکې تثبیت او تشخیص
د لغمان ولایت د ځمکو د غصب د مخنیوي د تخنیکي هیئت ناسته د ربیع الاول د میاشتې په ۳۰ نېټې د یکشنبې په ورځ د دغه هیئت د رئیس او غړو په حضور سره جوړه شوه او د ځمکو د غصب اړوند یو شمېر دوسیې په کې بحث او بررسۍ لاندې ونیول شوې.
یاد هیئت له ناستې څخه وروسته د امارتي ځمکو د تشخیص او تثبیت په منظور د یاد ولایت علیشنګ ولسوالۍ ته سفر وکړ او د دعوا د لورو په حضور کې یې تر دعوا لاندې ځمکو څخه لیدنه، بررسي او سکیچ کړې.
یاد شوي هیئت په دغه سفر کې ۳۳۲ جریبه ځمکه امارتي تشخیص او تثبیت کړه او د یو لړ اړینو معلوماتو ترلاسه کولو په منظور یې د دعوا لورو ته معلوماتي استعلامونه وویشل.
