په لغمان ولایت کې بې وزلو خلکو ته د مرستو له ويش څخه د عدلیې ریاست نظارت
د لغمان ولایت د عدلیې رياست د روژې د مياشتې په ۱۵ مه نېټه د دوشنبې په ورځ د یاد ریاست په مقر کې د یوه خيريه بنسټ له لوري ۱۰۴ تنه ښځو ته د مرستې له ویش څخه نظارت ترسره کړ.
په دې برنامه کې د لغمان ولایت د عدلیې رئيس، د دغه ریاست د انسجام عمومي مدیر او د یاد خيریه بنسټ مسؤولينو حضور درلود.
د لغمان ولایت د عدلیې رئيس مولوي روح الله روحاني د یاد خيریه بنسټ له همکارۍ څخه مننه وکړه او زياته یې کړه چې دا مرستې بسنه نه کوي او په راتلونکي کې هم بې وزلو خلکو ته د لا زیاتو مرستو د ویشلو غوښتنه وکړه.
