په فراه ولایت کې څه دپاسه ۵۸۰۰۰ جریبه امارتي ځمکه تثبیت شوه
د فراه ولایت د ځمکو د غصب د مخنیوي تخنیکي هیئت د شوال میاشت په ۱۸ نېټه د دوشنبې په ورځ د دغه ولایت اناردرې ولسوالۍ ته ولاړ او زرګونه جریبه امارتي ځمکې یې په دغې ولسوالۍ کې تثبیت او تشخیص کړې.
یاد هیئت اناردرې ولسوالۍ ته په سفر سره د دغې ولسوالۍ په بېلابېلو برخو کې۵۸۳۲۴ جریبه امارتي ځمکې چې عامه مرعی او وقفي ځمکې په کې شاملې دي تثبیت او تشخیص کړې.
په یادو شویو ځمکو کې کرنیزې، وقفي، خاصه او عامه مرعی ځمکې شاملې دي چې یو شمېر افرادو او اشخاصو پرې تاسیسات جوړ کړي دي.
تخنیکي هیئت د دغو ځمکو متصرفینو ته استعلام ورکړ ترڅو د هغه له ځوابولو څخه وروسته لازم اجراآت ترسره شي.
