په غور ولایت کې څه د پاسه ۷۷ جریبه غصبي ځمکه امارتي تثبیت شوه
د غور ولایت د ځمکو له غصب څخه د مخنیوي تخنیکي هیئت ناسته، د ربیع الاول د مياشتې په ۲۱ مه نېټه د سه شنبې په ورځ، د یاد هيئت د رئيس او غړو په ګډون ترسره شوه.
د تخنیکي هيئت په دې ناسته کې، د یاد ولالت په دولتیار ولسوالۍ کې د (۷۷،۸) اووه اویا اعشاریه اته جریبه ځمکې موضوع تر بحث او بررسۍ لاندې ونيول شوه او په ترڅ کې یې یاده ځمکه امارتي تثبیت او تشخيص شوه.
هیئت پرېکړه وکړه چې د یادې ځمکې دوسیه د وروستۍ پرېکړې په موخه مرکزي کمېسيون ته واستول شي.
همدارنګه د تخنيکي هيئت په دې ناسته کې، د غور ولایت په بېلابېلو ساحو کې د ځمکو د غصب اړوند یو شمېر نورې دوسیې هم تر بحث او بررسۍ لاندې ونيول شوې او د هغو په اړه لازم تصامیم ونیول شول.
