په غور ولایت کې د ۴۰۰۰ متر مربع وقفي ځمکې بررسي
د غور ولایت د ځمکو د غصب د مخنیوي د تخنیکي هیئت ناسته د ۱۴۴۵ هجري قمري کال د صفر المظفر د میاشتې په ۵ نېټه د سه شنبې په ورځ د دغه هیئت د رئیس او غړو په حضور سره جوړه شوه او له توپچې کنډک څخه ښکته د هدیرې ۴۰۰۰ متر مربع وقفي ځمکې په اړه په کې بحث وشو او پریکړه وشوه چې د دغه هیئت غړي یادې ساحې ته ولاړ شي او خپل سندونه په ساحې کې تطبیق کړي.
دغه راز په یادې ناسته کې د یاد ولایت د دوو تنو اوسیدونکو تر دعوا لاندې د ځمکې په تړاو بحث وشو او تصمیم ونیول شو چې له تخنیکي هیئت څخه یو ټیم یادې شوې ساحې ته ولاړ شي او ساحه له نږدې بررسي او جي پي اس کړي او د راپور یې دغه تخنیکي هیئت ته وړاندې کړي.
